Welcome to WordPress.com. This is your first post. Edit or delete it and start blogging!
Hello world!
1 Comment:
Tinggalkan komentar
-
Recent entries
- ASAL MUASAL NAMA DAERAH DI BETAWI
- JANGAN RAMPOK BUDAYE BANGSE KITE ! Ketika negare tetangge kite ngaku-ngaku sebagian budaye bangse kite, semue orang pade ribut sampe-sampe ade juge yang nyatain siap perang karne mereke ngerase tuh negare tetangge udah ‘ngerampok’ warisan nenek moyang kite. Rasenye wajar aje kalo kite marah, rasenye emang pantes kite marah tapi jangan pake kekerasan apelagi pake perang segale. Ati boleh panas tapi kepale mesti adem bang ! Namenye juge tetangge kalo ade masale itu udah biase, nah kite aje same tetangge sebelah rumeh sering kagak singkron ame segale urusan nyang kadang-kadang sepele jadi rame. Biasenye nih, kalo kite kesusahan biasenye tetangge kite nyang paling duluan ngebantuin kite bukan siape-siape. Mangkenye, kite kudu rukun same tetangge, biar begimane negare tetangge adalah sodare terdeket kite. Menurut hemat saye, kalo di laen waktu negare tetangge kite ngakuin segale macem nyang semestinye jadi bande (hak milik) bangse kite nih, ade jalan nyang lebih baek ketimbang kite kudu gontok-gontokan. Usahain dulu pake musyawareh, kalo kagak nemu juge, jalan terakhirnye baru deh kite bawe ke pengadilan. Di dunie ini pan ade badan nyang ngurusin hal nyang kayak ginian, UNESCO saleh satu badan di PBB (Perserikatan Bangse-Bangse). Saleh satu tugasnye tuh UNESCO pan ngurusin soal budaye, saleh satu buktinye adalah waktu masaleh Batik nyang diakuin same negare tetangge kita tapi bangse kite yang menangin tuh perkare. Walhasil dunie juge tau kalo suatu budaye asalnye darimane, jadi kite kagak usah repot-repot nguras tenage. Nyang penting kite kudu lebih peduli same budaye kite sendiri sebelom negare manepun ngakuin budaye kite. Banyak macem care buat ngewarisin budaye nenek moyang kite sebagai contoh kalo kite peduli ame budaye nyang kite punya, bukan bermaksud promosi nih, saye cuman mao ngasih contoh kecil aje. Saye ame temen-temen ngediriin sebuah sanggar nyang bergerak dalem bidang pengarakan buat pernikahan ame sunatan a la betawi, name sanggarnye Jawara. Tempat ngumpul ame latihan di Jalan Kebon Nanas Selatan II RT. 009 RW. 08 Kelurahan Cipinang – Cempedak Kecamatan Jatinegara, Jakarta Timur. Selaen ngewarisin budaye nenek moyang, lumayan juge ngehasilin duit. Biar kate kagak gede nyang penting budaye betawi kagak mati digiles jaman. Cerite punye cerite, asal muasalnye Sanggar Jawara berdiri di taon 1991 waktu Bang Ibing (Sarbini) nikahin orang Sunda (kuningan-Jawa Barat) nyang namenye Mpok Titin pake adat Betawi. Karena orang sono pengen ngeliat adat istiadatnye orang betawi, bang ibing ngelatih beberape anak didik silatnye buat nampilin budaye betawi di Kuningan-Jawa Barat. Singkat kate singkat cerite, nampil deh tuh temen-temen dari sanggar Jawara di sono. Namenye juga nampil di tengah jalan di pinggiran kali, nyang nonton semue di pinggiran kali. Ade nyang berdiri, ade nyang jongkok atawe duduk sampe-sampe ada nyang nangkring di atas pu’un. Ketike temen-temen atraksi, orang sono pade pasang muke bengong sambil mesem-mesem. Kagak tau deh ape die pade ngerti bahasa betawi nyang diucapin nyang penting nontonin palang pintu pade bekelahi (udah diatur sebelumnye). Begitu temen-temen, nyabut golok terus tuh golok pade beradu, kontan aje sebagian penonton pade ngeri lucunye banyak penonton pade kecebur kali saking kagak ingetnye kalo die nontonnye di pinggiran kali. Nah sepulang ngarak pernikahan bang ibing itulah tercetus buat ngediriin sanggar nyang nantinye bakalan jadi wadah kite buat ngewarisin budaye betawi. Kagak terase udah ampir 20 tahun sanggar jawara ini berdiri, udah banyak panggilan yang udah kite pentasin dari Anaknye Pejabat sampe anak tukang soto babat, dari anaknye orang kaye sampe orang kagak punye, dari maennye di gedong mewah sampe maen di atas tanah merah, dari maennye di depan mulut (saking sempitnye) sampe maen di seberang laut (panggilannye jauh banget pake naek perahu). Sanggar Jawara udah berkiprah ngeramain dan memperkaye khasanah budaye betawi, Insya Allah akan diwarisin ame anak cucu sehingge budaye betawi tetep ade kate orang sekarang tetep eksis githoo loch. Sanggar Jawara minta do’a restu semua pembace ! Supaye sanggar jawara tetep ade, jangan ragu-ragu ngehubungin kite kalo misalnye ade anak, cucu, sodare, famili, temen atawe tetangge pare pembace nyang mo di arak pake adat betawi hubungi kite (ini baru promosi nih) : Yadi Dao’ 0856 9110 6970 (korlap) atawe Bang Ibing /sarbini (Pimpinan) di 0813 8036 1922. Buat pembaca blog ini dikasih discount deh (harga spesial). Di tunggu ye !
- Hello world!
-
Browse popular tags
-
Meta
Hi, this is a comment.
To delete a comment, just log in, and view the posts’ comments, there you will have the option to edit or delete them.